ەلىمىزدە ومىرىندە مەكتەپ پارتاسىنا وتىرماعان بالالار بار, ولار بالاباقشانى دا كورمەگەن, دەپ حابارلايدى Egemen.kz.
سەناتتا وتباسىدا تۋىندايتىن داۋلاردى تالقىلاۋعا جينالعان قۇزىرلى ورگان وكىلدەرى وسىنداي مالىمەتپەن ءبولىستى. شالعاي ايماقتاردى ايتپاعاندا, مۇنداي جاعا ۇستاتارلىق جاعدايلار ءىرى مەگاپوليستەردە دە ءجيى تىركەلەتىن بولعان.
باس پروكۋراتۋرانىڭ دەرەگىنشە, كوبىنە ىشىمدىككە نەمەسە ەسىرتكىگە تاۋەلدى اتا-انالار بالاسىن وسىنداي دەڭگەيگە جەتكىزەدى.
"مىڭعا جۋىق بالاعا ەش الەۋمەتتىك مارتەبە بەرىلمەگەنى انىقتالدى. بۇل ىسكە پروكۋرورلار ارالاسىپ, ارقايسىسى قايدا وقيتىنى, قاي بالاباقشاعا بارعانى انىقتالىپ, جۇمىس جۇرگىزىلىپ جاتىر. باعدارلامانى زەردەلەگەندە تۋىسقانداردىڭ ءبىر-بىرىنە بەرىپ جىبەرگەنى, ءومىرى بالاباقشاعا, وقۋعا بارماعان بالالار انىقتالدى", - دەلىنگەن كتك تاراتقان باقىلاۋشى ورگاننىڭ اقپاراتىندا.